Ingurune digitalak dituen onurez eta kalteez ohartzea

IKT-ak (Informazio eta Komunikazio Teknologiak). Informazioarekin eta komunikazioarekin zerikusia duen arloa da, zenbait kontzeptu eta teknologien bilduma da, egunetik egunera birmoldatzen dagoena. Gizartean ematen diren aurrerapenen ondorioz, hau da, gizartea modernizatzen doan heinean gure beharrak ere horietara moldatzen joan behar gara.

Beraz, IKT-ak hainbat esparru ezberdinetan du eragina eta baita hezkuntzan ere. IKT-een giltza norberarengan dagoela esan genezake, hau da, norberaren etengabeko prestakuntza gure esku dago. Horretarako ezinbestekoa da ardura hartzea eta egiten ari zaren ibilbide horretako hausnarketa eta ebaluazioa egitea. Modu honetan aurrera eramaten ari zaren horren emaitza edo ondorioa atera dezakezu eta balorazioa egin bere alde on zein txarrekin.

IKT-een erabilerari dagokionez ordea, hainbat iritzi ezberdin daude. Askok erabilera pertsonala eta profesionala banandurik mantentzea egokiena dela diote eta beste askok iritzi honen kontrakoa adierazten dute. Nire ustez, egokiena lehenengoa litzateke baina niri ezinezkoa egiten zait egunerokotasunean hori praktikara eramatea eta beraz, neurriak hartuz norberaren irudi pertsonala zaintzea da soluzioa.

Gaur egun irudi edota esaldi sinple bat sarera igotzeak etorkizunera begira ondorioak ekar ditzake, gugan eragin zuzena dutenak. Beraz, horrelako informazioa izatea eta hauek izan dezaketen ondorioez jabetzea funtsezkoa delakoan nago, geure onerako.

IKT-ak onuragarriak badira ere zabor mordoa dago ingurune digitalean eta baliagarria dena eta ez dena bereizten jakin behar dugu. Hasieran aipatu dudan bezala, gizartean ematen diren aldaketen ondorioz guri horietara moldatzea egokitzen zaigu eta baita esparru digitalean ere.

Kontzienteki jokatzeak eta egiten dugun horretaz jabetzea gure bizitzako edozein esparrutan beharrezkoa bada ere ingurune digitalean duen garrantzia azpimarratzekoa da. Honek duen garrantziaz ohartu behar gara eta etorkizunera begira pertsonekin, haurrekin hain zuzen ere, jardun nahi dugunok argi izan behar dugu nor garen, izan ere, geure esku egongo diren haur horien etorkizuna baldintzatu dezakegu.